Encóntrase situado no Parque Tecnolóxico de Galicia (Tecnópole), na provincia de Ourense. Depende da Consellería do Medio Rural da Xunta de Galicia, enmarcándose dentro da Axencia Galega da Industria Forestal (XERA).
O CIS Madeira é unha entidade pública creada en 1996 co obxectivo de prestar servizos de apoio á innovación, no ámbito da industria de transformación da madeira, e contribuír ao desenvolvemento económico sustentable do sector forestal en Galicia.
Iniciativas orientadas cara á investigación aplicada e a transferencia de coñecemento.
Estudos no ámbito do uso da madeira no ámbito da construción e o desenvolvemento de materiais avanzados sustentables.
Actividades de formación e comunicación relacionadas coa cadea de valor monte-industria.